মুখ্য পৃষ্ঠা
06/04/2516:06
•নীলা খামৰ চিঠি•
মৰমৰ "আইনু" ,
আজি বহু দিনৰ পিচত শীতৰ হাঁড়
কঁপোৱা ৰাতি এটা সাৱতি তোমালৈ একলম
লিখিবলৈ বহিছো । কুঁৱলীৰ আঁচল ফালি শীত
অহাৰ বাটেৰেই মোৰ দুখৰ দেশলৈ ফাগুন
আহিছে ।তোমাৰ সুখৰ
কৃষ্ণচূড়া ফুলা চহৰলৈ হয়তো ফাগুন অহা নাই
আগৰদৰে ।
আইনু ,তোমাৰ ভাল বেয়া সুধাৰ সামান্য
অধিকাৰ কন
যিদিনা কাঢ়ি আতৰি গ'লাগৈ জোনাকী বাটেৰে ,
সেইদিনাই স্মৃতিৰ প্ৰাচীন গহ্বৰত দুখৰ
কিৰিলি এটা ভাঁহি আহিছিল মোৰ
জীৱনলৈ । তথাপি চোন অভিশপ্ত
মনটোয়ে বাৰে বাৰে তোমাকে সুঁৱৰি থাকে ।
মোৰ দৰে এটা সৰ্বহাৰা দুখীয়া ল'ৰাৰ
জীৱনৰ পৰা তুমি আতৰি যোৱাত মই আচৰিত
হোৱা নাই । কিন্তু তোমাৰ হৃদয় খন যে শিলৰ
দৰে কঠিন হ'ব , সেয়া মোৰ কল্পনাতীত
আছিল ।অথচ অসম্ভৱ বোৰ সম্ভৱ কৰি মোৰ
হৃদয় খন চিতাৰ দৰে জ্বলাই ছাই কৰি দিলা ।
নিয়তীৰ নিষ্ঠুৰতাৰ গৰাহত
আজি তিলতিলকৈ মৃত্যুৰ ক্ষণ গণি জীয়াই
আছো ।কালৰ কুটিল গতীত পাহৰি গ'লা মোক
আৰু মোৰ মৰমক । পাহৰনিৰ গৰ্ভত
আজি আমাৰ নষ্টালজিয়াৰ দিনবোৰ । আইনু ,
তুমি কেনেকৈ পাহৰিলা অতীত বোৰ ?
আজি অতীত বোৰ সোঁৱৰাই তোমাক দুখ দিব
বিচৰা নাই । দুখ পালেও হয়টো আজি প্ৰথম
আৰু শেষ বাৰৰ কাৰনে মোৰ পৰা দুখ পাবা ।
চিৰজীৱন তোমাৰে হোৱাৰ
যি প্ৰতিশ্ৰুতি দিছিলো , তাৰেই
প্ৰেৰণাতে কেতিয়াবা তোমালৈ একলম
লিখিবলৈ বৰ মন যায় । এখনি ভগ্ন হিয়াৰ
মৰম-ভালপোৱা বোৰ সজাব মন যায়
উকা কাগজৰ বুকুত ।
আইনু , চিঠিখন পঢ়ি হয়তো তোমাৰ
বেয়া লাগিব ।সেয়ে মোৰ বুকুৰ তেজ
দি চিঠি খন পঢ়ি হ'লেই জ্বলাই দিবা । দুখ
নকৰিবা , মোৰ জীৱনটোকে তুমি জ্বলাই
শেষ কৰিলা । বিষাদৰ ধুঁসৰিত
সময়ে কোঙা কৰা জীৱনক তুমি আৰু কষ্ট
নিদিবা । ঠুনুকা মোৰ হৃদয় খনত
দুখে অক্টোপাচৰ দৰে মেৰিয়াই ধৰিলে ।
তোমাৰ সুখৰ কামনা কৰি মোৰ এলান্ধু
পৰা উৰুখা পঁজাত মমৰ দৰে জ্বলাই শেষ
কৰিছো মোৰ অনেক সপোন । আজি তোমাক
সীমনাত দিবলৈ মোৰ একোয়েই নাই ।
তথাপি তোমাৰ অনাগত দিনবোৰ সুখৰ
হোৱা কামনা কৰিলো ।
কেতিয়াবা অজানিতে মোলৈ মনত
পৰিলে আকাশত ওলমি থকা জোনবাই জনীক
সুধিবা মোৰ শেষ ঠিকনা । তোমাৰ
হেৰুৱা ঠিকনাত মোলৈ একলম লিখাৰ আৰু
চেষ্টা নকৰিবা । তুমি সুখেৰে থাকা ।
সীমনাত ,
তোমাৰ চিৰকালৰ প্ৰেমিক
"মই..."
● ৰাজু কলিতা
